Urte honi bukaera

Kurtso honetan zehar, eduki ezberdinak bereganatzeko eta antzezlana dokumentatzeko aukera paregabea izan dugu. Prozesu hau burutzen ari ginen bitartean, blog honetan hauei buruzko sarrera ezberdinak idatzi ditugu.

Jarraian, gure ibilbide honetan jarraitutako pausoak azalduzko dizkizuegu:

Hasteko, blog honen eta sites-ari buruzko sarrera bat burutu genuen, bakoitzean zer azaldu behar den aurkezteko asmoarekin. Ondoren, gure lehenengo harremana izan genuen haur antzerkiarekin, Lorategian izeneko antzezlan bikaina ikusi genuen gelan eta bertatik zenbait ideia atera genituen gure antzezlanerako. Gero, beste antzezlan batzuk ikusteko aukera izan genuen. Oraingoan, taldekide bakoitzak haurrei zuzendutako antzezlan bat ikusi zuen gehiago mamitzeko asmoz. Antzezlan hauek, Abracci, A story of a child and a penguin eta Kubik izan ziren. Hautatik ere, ideia baliagarri ezberdinak atera genituen. Prozesu honekin, aurrera jarraitu genuen eta beste bi obra ikusi genituen. Hauek, Kubik eta Lorategian izan ziren. Baina oraingo honetan, hauek gelan ikusi genituen eta gelakide guztien artean ideia ezberdinak atera genituen. Bi obra hauei buruzko irudi bat ere sortu genuen bi antzezlenetako ideia nagusiak laburbiltzeko helburuarekin. 

Heziberri 2020 curriculuma irakurri genuen gelan, hau taldekideen artean atalka banatuz, eta honi buruzko ideia nagusi batzuk laburbildu genituen. Jarraian, gure antzezlanerako dokumentazioa biltzearen asmoarekin, dokumental bat burutzen hasi ginen. Hau egin aurretik, zeri buruz egin behar genuen pentsatu genuen denen artean eta ondoren lanari ekin genion. Dokumentalaren inguruan, gelakide guztien artean hausnarketa komun bat burutu genuen eta bertan jasotako ideiak sarrera berri batean idatzi genituen. Bestalde, talde lanaren inguruan hausnarketa egiten jarraitu genuen eta oraingoan Alderantzizko konoaren teoriaren inguruan informazioa jaso genuen gelan. Hausnarketak egiten jarraitu genuen eta oraingoan Solo es el principio dokumentalaren inguruan hausnartu genuen eta ondoren Javier Abadek emandako hitzaldia ikusi genuen. 

Jarraian, gure pertsonaien sorkuntzan geundela Eider Eibar marrazkilaria etorri zen pertsonaiei buruzko hitzaldi bat ematera. Bertan, pertsonai berriak sortu genituen eta hauek gure pertsonai propioak sortzera lagundu ziguten. 

Dramatizazioa Haur Hezkuntzan lantzea ezinbestekoa iruditzen zaigu, hau dela eta, blogean dramatizazioa lantzeko jolas ezberdinak bildu genituen. Lehen aipatutako dramatizazioarekin batera Gorputz Adierazpenak Haur Hezkuntzan garrantzia handia du ere, hau dela eta, autore ezberdinen iritziak isladatu ditugu mapa kontzeptual baten bitartez.

Antzezpenaren hasierako prozesuan geundela praktiketara joateko momentua iritsi zitzaigun eta egindako sarreraren bitartez gutako bakoitza egon den ikastetxea azaltzen dugu, ikastetxe ezberdinen ikuspegia izan dezagun guztiek.

Praktikalditik bueltatu ginenean, gelakide guztiek genituen kezka, frustrazio eta zailatsunak kontuan hartuta, ikasle bakoitzak graduan zehar ikasitako edukien inguruko mapa-kontzeptual bat egin behar izan genuen, gure buruari frogatzeko eduki ezberdinen inguruan jakintza ezberdinak bereganatu ditugula lau urte hauetan zehar. Ondoren, taldeka bi mapa-kontzual burutu genituen. Alde batetik, edukiei buruzkoa eta bestetik, antzezlanaren ingurukoa. Bi mapa-kontzual hauei argazkia atera eta blogean txertatu genituen. 

Bestetik, KunArte zentrora joateko aukera izan genuen eta hau ere blogean sarrera bat idatziz dokumentatu genuen. KunArte-koek hitzaldi bat eman ziguten lehendabizi zentroari buruzko informazio ezberdina emanez, eta ondoren, bertara joateko aukera izan genuen. Bertan, antzezlan bat ikusi genuen eta jarraian jarduera ezberdinak burutu genituen. Egin genuen bisita honen ondoren, dokumentazioaren inguruan zalantza asko izan genituen, hau dela eta, ondorengo blogeko sarrera honi buruz hitz egitea adostu genuen. Sarrera hau idatzi eta gero, taldekideak momentu horretatik aurrera biziko genuen guztia dokumentatzen saiatuko ginela adostu genuen. 

Honetaz aparte, gure talde kide bat ikasle ez-presentziala bihurtu zen, hau dela eta, honentzako agur berezi bat burutu genuen sarrera baten bitartez. 

Dokumentazioarekin jarraituz, arteko irakasgaian burututako aurkezpen bat blogean txertatu genuen ere. Lan horretan, DOT antzezlanaren inguruan informazioa bildu behar genuen eta hau gure gelakideei azaldu. Hau burutzeko, power-point bat egin genuen eta hau informazio eta irudi interesgarriez osatu.

Hurrengo pausoa antzezlanaren ensaioekin hastea izan zen. Hauetatik asko ikasten ari gara eta gure antzezlana burutzeko irriketan gaude. 

Amaitzeko, lehen aipatutako taldekideak, Haur Hezkuntzako dokumentazioaren eta ebaluazioaren inguruan testu batzuk irakurri ditu eta hauei buruzko power-point batzuk burutu ditu. Hauek gure blogean txertatu ditugu ere.

EBALUAKETA HAUR HEZKUNTZAN

Jarraian dagoen dokumentuan Haur Hezkuntzan egin beharko litzatekeen ebaluaketari buruzko informazioa txertatuta dago.

Orain arte haurra izan da ebaluazio tresna, baina haurra inguruaren ondorio bada, ez al da hobe testuingurua ebaluatzea?

EBALUAZIOA HAUR HEZKUNTZAN

Ebaluaketa hik hasi. from kakauexak kakauxak

DOKUMENTAZIOA HAUR HEZKUNTZAN

Dokumentazioak gero eta garrantzi zein presentzia handiagoa du Haur Hezkuntzako geletan. Baina zer da, nola burutzen da, zertarako?

Galdera horiek erantzungo dituen dokumentua dago hementxe txertatuta!

DOKUMENTAZIOA HAUR HEZKUNTZAN

Dokumentazioa Haur Hezkuntzan from kakauexak kakauxak

Ensaioekin jo ta ke!!

Aste hauetan gure antzezlana ensaiatzen hasi gara. Lehenengo, gure antzezlana girotzeko atretzoko baliabide ezberdinak frogatu genituen, non kokatu behar genituen jakiteko eta nahikoa ziren ikusteko.
Ondoren antzezlanaren lehendabiziko errepresentazioa burutu genuen, bakoitzak esan behar zuena eta noiz ez zekienez pixka bat kaosa egon zen hasieran. Hemen azpian uzten dizkizuegu zenbait argazki.

DOT antzerkia

Gure antzezlanaren sorkuntzan zehar zenbait antzezlan ikusi eta aztertu ditugu. Gure kasuan DOT antzerkiaren informazioa bildu dugu, baita ere deigarriak iruditu zaizkigun baliabideal bildu ere. Informazio guztia izan ondoren beste gelakideei gure informazioa pasa genien aurkezpen bat eginez, beraz hemen azpian dagoen informazioa aurkezpen horri dagokio. Gainera antzezlanaren bideo txiki bat atxikitzen dugu.

 

Dot Antzerkia from kakauexak kakauxak


 

DOT - Maduixa Teatre (Clip) from Dot - Maduixa Teatre on Vimeo.

Honetaz gain, antzezlan honetan erabiltzen duten teknika bat oso gogoko izan dugu eta gure antzezlanean erabiltzea pentsatu dugu. DOT antzezlanean, argi txiki bati jarraitzen zioten eta hau pantailatik ateratzen zuten momentu batean. Guk alegiazko laguna eta Hodien artean mota honetako teknikaren bat erabiliko dugu. Biok pantailaren atzean baloi batekin jolasten egongo dira eta momentu batean, baloi hori pantailatik aterako da.

AGUR MAIALEN!!!!!

GURE TALDEAK PARTAIDE BAT GUTXIAGO DAUKA AZKEN TXANPA HONETAN. BERE FALTA SUMATZEN DUGUN ARREN, BADAKIGU GUSTUKO DUENA EGITEN ARI DELA.

MILA ESKER MAIALEN, GUREKIN EGON ZAREN BITARTEAN EGINDAKO LANAGATIK.

ONENA OPA DIZUGU! MAITE ZAITUGU!

ZURE KAKAUEXAK!!💕

Nola dokumentatu?

Gure ikuspegia dokumentazioari dagokionez nahiko mugatua izan dela orain arte uste dugu. Horregatik, gelan honen inguruan hausnartzeko bi testu irakurri genituen, alde batetik, HikHasi aldizkariko 29. monografikoan, Ebaluazioa Haur Hezkuntzan Paradigma-aldaketa eta bestetik, Documentar la vida de los niños y las niñas en la escuela liburua.

Bi testu hauetatik ideia komun bat ondorioztatu dugu: dokumentazioa egiterako garaian haurrak ebaluatzeko burutzen dute irakasleak normalean. Baina prozedura hau okerra da. Haurrak ebaluatu ordez irakasleen lana ebaluatu beharko litzateke, hau da, dokumentazioa irakasleak gelan egindako jarduerak ikasleen garapena bermatzen duten edo ez jakiteko erabili beharko lukete. Hortaz, dokumentazioa ikasleen erreakzioen ingurukoa izango litzateke.

 Horregatik, hemendik aurrera gure lan egiteko modua aldatuko da, hori bermatzeko hemen uzten dugu musikako klasean gure lana entsaiatzen genuen bitartean grabatuta bideoa.

Hala ere, hobetzeko badaukagu oraindik....

KunArte

Gure antzezlanaren azkeneko fasean gaudelarik, gure lan honetan laguntzeko asmoz, KunArtekoek hitzaldi bat eman ziguten eta ondoren, gu bertara joan ginen zentroa ikustera.

Bestalde, esan beharra dago KunArte 1-6 urte bitarteko haurrentzako eta beraien inguruan dauden pertsona helduentzako Berrikuntza Artistikorako Arte Zentroa dela. Bertan, dibertsio adimentsua, estimulazio artistikoa eta hezkuntza kulturala eskaintzen die haurrei eta beren familie. Txikitxoek, mundua esploratzeko daukaten desira horrekin, espresio artistiko guztien abiatze puntuan kokatzen dira: ibiltzeko oreka bilatzen duten bitartean, dantzatu egiten dute; soinuekin jolasten, musika aurkitzen dute; material ezberdinak miatuz, Arte Plastikoekin egiten dute topo... Artea adin hauetan ezinbestekoa den estimulazio horretarako baliabide ezin hobea dela esan dezakegu, haurren trebakuntza intregala sustatzeko erreminta baliogarria alegia, beren adimen anitzak garatzen ahalegintzen duena. 

 
Otsailak 2 eta 3an KunArteko jardunaldietan egon ginen. Ostegunean, KunArteko proiektuaren aurkezpena izan genuen Roxi eta Pilarren eskutik.

Ostiralean aldiz, Kiribil antzerki taldearen ikuskizun bat ikusi genuen, "Iz" izenekoa. Kiribil Iparraldeko antzerki taldea da eta haurrentzako ikuskizunak egiten ditu.

 Ondoren, praktika artistikoaren tailerra izan genuen. Bertan, mugimendua eta maskarak landu genituen eta hiru marrekin gure maskara sortzeko aukera izan genuen eta honi ibiltzeko modu bat jarri genion.

Amaitzeko, haiek emandako maskara batekin pertsonaia bat sortu genuen.

HAUSNARKETA

Aste honetan, Hausnarketarako denbora izan dugu. Izan ere, gure lanarekin blokeo momentuan gaude eta ez genekien nola aurre egin horri, honetarako eskema hauek burutu genituen. Lehenengoa landutako edukiei buruzkoa da eta bigarrena gure antzezlanean eragiten duten faktoreei buruzkoa.

ZERBAIT IKASI OTE DUGU?                                  ZERTAZ GOGORATZEN GARA?                                                               ZERK DEITU DIGU ATENTZIOA?....

Irudietan klik egin!!!

Prakticum III-a hausnartzen...

Irudi hauen bitartez gure taldeko partaide bakoitzaren prakticum IIIko hausnarketa txiki bat aurkezten dizuegu. Bertan ikastetxe bakoitzaren informazioa dago eta zerk deitu digun atentzioa.

Esan beharra dago ikastetxe guzti hauetan ez dugula aukera izan dramatizazioarekin zerikusia zuten jarduera asko ikusteko. Guk ordea Haur Hezkuntzan dramatizazioa lantzea ezinbestekoa iruditzen zaigu eta irakasleak garenean gelan honekin zerikusia duten jarduerak proposatzen saiatuko gara.

 

zer da gorputz adierazpena?

Kontzeptu mapa honetan azaltzen da autore ezberdinen ikuspuntua gorputz adierazpenaren inguruan.

Garrantzitsua al da gorputzaren ezagutza eta mugimendua gure antzezlanean? Galdera hau erantzuteko asmoz egin dugu kontzeptu mapa hau.

Irudian klik egin!

HAURREKIN BURUTZEKO JOLASA

Adierazpena eta komunikazio ikasgaiean egindako jolas batekin gatoz gaurkoan, dramatizazio jolas batekin hain zuzen ere. Jolas honekin dramatizatzeko beste modu bat ikusi genuen eta haurrekin erabiltzeko beste baliabide bat. 

Ondoren jolasa azaltzen dugu nahi izan ezkero beste momentu batean egiteko.
Jolas gehiago ikusi nahi badituzue klikatu hemen!

Hostoen Jolasa:

Udazkenean, denok dakigun bezala, hostoak lehortu eta erortzen dira. Honek aukera paregabea ematen digu hauek bildu eta hauekin jolas ezberdinak burutzeko. Hona hemen jolas posible horietako batzuk:

• Hostoekin izar moduko bat burutu dezakegu haurrekin. Haur bakoitzak bere hostoa izango du eta honi beraien izena jarri beharko diote axota edo errotulagailu baten bitartez. Ondoren, zeloa erabiliz, izar moduko bat sortu dezakegu haurren hostoak bata bestearen ondoan itsatsiz.
• Dramatizazioari dagokionez, haur bat altura zehatz batera igo daiteke eta zuhaitza dela irudikatu. Hau egiteko hosto ezberdinak bere gorputzetik kokatu genituzke. Besoak zuzen jartzea ere oso ideia aproposa da. Gero, zuhaitza den haurrak hau oihukatuko du: "Bat, bi, hiru..... Udazken!". Hau esatean gainean dituen hosto guztiak botako ditu.
• Hostoak dituzten ezaugarriak identifikatzea ere jolas bikaina izan daiteke. Modu honetan, haurrak hostoen deskribapen txiki bat burutuko dute. Hau jolas entretenigarri bihurtzeko, haurrek dituzten hostoak nahastu eta haur bakoitzak bere deskribapena ematean, besteek zein hosto deskribatzen ari den asmatu beharko dute.
• Amaitzeko, haurren irudimena eta sormena gaitasunak garatzeko, hostoak objektu bihurtzeko eskatuko diegu. Eta jarraian, objektu hori duen pertsonaia bat asmatzeko eta irudikatzeko. Era honetan, dramatizazioa ere landuko genuke jolas txiki honekin. Hala nola, haur batek bere hostoa pirata baten begiko partxe bihurtu dezake edo hostoa peineta bat, sevillana pertsonaia sortuz.
  

EIDER EIBARREN HITZALDIA

Eider Eibar irudigilea Zornotzan jaio zen 1980. uretean. Arte Ederrak eta animazioa ikasi zuen eta egun irudigile lanetan dabil. Liburu bat ilustratzerakoan, pertsonaiak ez ditu errealitatean bezala marrazten, irudimena erabiltzen baitu eta pertsonaiei ezaugarri berezi eta magikoren bat eranstea gustatzen zaio.

Pertsonaiak marrazteko gomendio batzuk egin zizkigun:

• Formek garrantzia handia dute. Borobila, karratua, biguna, zorrotza, handia, txikia...
• Kontuz estereotipoekin
• Koloreak kontuan izan behar dira ilea, arropa... margotzerakoan
• Kolore hotzak/beroak, apalak/biziak, orekatuak/kontrasteak, ilunak/argiak...
• Jarrera, pertsonaiek duten gorputzaren posea.
• Gehigarriak: loreak, liburuak, baloia, joastailuak, betaurrekoak...

Azkenik, berarekin lau jarduera burutu genituen. Hauetan, perstsonai originalak sortu genituen. Eiderrek marraztu zituen guk ideiak proposatzen genizkion bitartean. Lehendabizi, bakoitzak animali bat pentsatu zuen eta banaka animali hau esatean, Eiderrek animali horren gorputz atal bat marrazten zuen. Gorputz atal bakoitza kolore batez marraztu zuen.

Ondoren, beste jarduera bat burutu genuin. Berak pertsonaiaren izena esaten zigun, honi buruzko hiru datu ematen zizkigun eta jarraian gorputz atal ezberdinak banaka marrazten zituen. Gelan ondorengo marrazkiak irudikatu genituen:

• Sorgina pirata
• Ez du beldurrik ematen
• Ile apaindegiak gorroto ditu
• Beldurra die katuei

• Printzesa
• Super saltoak emiaen ditu
• Irakurle amorratua da
• Ortzadar koloreko puzkarrak botatzen ditu

• Animalia magikoa
• Hegan egiten du
• Irudimena handia du
• Alturei beldurra die

Eibarrek emanado klase hau burutu eta gero, pertsonaiak sortzeko bide ezberdinak daudela ikasi dugu. Beti pertsona itxurako pertsonaiak sortzen amaitzen dugu, irudimena gutxi erabiliz. Eskola hau eta gero, ohartu gara  gure antzezlanean fantasiazko pertsonai bat sartzea oso aproposa izango zela. Bestalde, pertsonaiak nola marraztu erakutsi digu modu oso simple batean. Oso gustura egon gara saio honetan eta gure antzezlanerako pertsonaiak sortzeko prozesuan asko lagundu digu honek.

HAUSNARTU..

Javier Abad-ek Thiysen museoan emandako hitzaldi bat ikusi dugu gaurkoan. Eta ideia pilo bat atera ditugu bertatik, hemen dituzue horietako batzuk:

Bideoa ikusi nahi baduzue hemen duzue:

UMEEN BETAURREKOAK JANTZITA

Antzerkiko gaia lantzerako orduan, haurren begietatik begiratzea zein garrantzitsua den ikusi dugu!
Izan ere, gaurkoan Solo es el principio dokumentala ikusten hasi gara gelan, bertan, Haur Hezkuntzako ikasleek gai ezberdinen inguruan hausnarketa ezberdinak egiten dituzte. Dokumental honek lagundu digu konturatzen, ikasleak nahiz eta oso gazteak izan edozein gaiaz hitz egiteko gaitasuna dutela eta hortaz, gure antzezlaneko gaia aukeratzerakoan, gai ezberdinak erabiltzeko aukers izango dugula.

ALDERANTZIZKO KONOA

Beste behin, hausnarketarako tartea izan dugu. Diskurtsoaren atzetik dagoen guztiari erreparatu diogu. Izan ere, talde lanean jardun behar dugunez oso onuragarria da hainbat ezaugarri kontuan hartzea. 

Taldeko kide sentitzea ezinbestekoa da kohesioa egon dadin, eta hori bermatzen denean soilik lortuko dugu kooperazioa, gerta daitezkeen erronka eta arazoei irtenbideak bilatzeko. Hori lortuta lortu ahal izango dugu egokitasunera iristea. Lehen faseak bermatzen ez baditugu........ez dugu besteak lortzerik izango.

Bestetik aipagarria da komunikazioa sustatu behar dela, non entzunketa aktiboa egongo den. Horrela ikaskuntzan murgiltzen hasi ahal izango gara transferentzian eta kontratransferentzian amaituz. Horrek zera esan nahi du, gure gauzak besteengan ikustea, normalean onartzen ez ditugunak; horregatik ezinbestekoa da norberak bere burua ezagutzea.

Lehen diskurtsoa tontorrean kokatu dugu agerikoa delako, eta behekaldean ordea, ezkutatutakoa egongo litzateke. Egon badago, ezin da ahaztu, gurekin dago denbora osoa, norberarena zein besteena.

Taldea osatzen dugunean fase horietatik pasatzen gara beti eta gu aurten sortu garen talde garenez, ezaugarri horiek guztiak haintzat hartu behar ditugu talde lanean ibiltzeko. Faseak gainditzean, gertatzen diren gauzak aurrera eramateko gai sentitu behar gara.
 

Hausnarketa honetatik ere beste hainbat ideia garrantzitsu atera ditugu:

IKASTEA: norberaren aldaketa bat da

OZTOPOA: aldaketari erresistentzia, ziur eta eroso gauden horretatik mugitzea

BELDURRA: dakigun edo gauden egoerari eta besteen erasoei (erresistentziarekin lotuta)

Kide guztiak gaude konprometituta, norbera bere funtzioan

MUGIMENDUA: pauso bat ematea

INDARRA: taldean jolasean dauden indarrak

DOKUMENTAZIOAREKIN BURU BELARRI

Gaurkoan, taldean bildu eta gure dokumentalerako dugun materialari so egin diogu. Behin hori eginda, hau da, sustraiak finkatuta gorputza emateko lehen pausoa eman dugu; horretarako, aurrera eramango dugun dookumentalaren egitura adostu dugu. Ti-ta, hurrengo pausoa sorkuntza izango da!

HAUSNARKETA PARTEKATUA

Denen artean hausnarketa batzuk egin ditugu, baliagarriak izango direnak taldean jarduteko eta baita eskolatik kanpo ere. Besteek sentitu eta bizi izan dutena jasotzeko eta norberak berea azaleratzeko modu paregabea izan da.

Hausnarketako puntu garrantzitsuenak honako hauek izan dira:

TALDE HAUSNARKETARI EKIN DIOGU

GURE LEHEN DOKUMENTALA

Irakasleak erronka bat proposatu digu, dokumental bat sortzea gure gaiaren inguruan oinarrituta. Horretarako, irudiak zein bideoak erabil ditzakegu.
Guk elkarrizketa batzuk egitea pentsatu dugu, eta horretarako lehendabiziko gauza helburua zehaztea izan da. Argi dagoena da jeloskortasuna gainditzeko moduak aztertu nahi ditugula eta horretara bideratu ditugu galderak. Horren ostean, gure rolak zehaztu ditugu eta taldeka banatu gara, hori gutxi balitz espazioa ere banatu dugu lana ahalik eta azkarren egin ahal izateko.
Lana egiten hasi garenean, uste bezala ateratzen ari ez zela konturatu gara eta aldaketa batzuk egin behar izan ditugu, hau da, lana moldatu behar izan dugu.

Talde gisa primeran jardun dugu eta erabakiak hartzeko arazorik ez dugu izan.

HEZIBERRI CURRICULUMEAN BURU BELARRI

Heziberri curriculuma aztertu dugu, talde bakoitza atal bat ikertu du eta ondoren puzzlearen teknika erabiliz, gure ikaskideei ateratako ondorioak azaldu dizkiegu. Amaitzeko, denen artean adostu ditugu ateratako puntu garrantzitsuenak.
Aldaketa nabarmenena zera izan da, hiru esperientzia eremu izatetik bi eremu izatera pasatu garela; baina, bestelako ideia batzuk atera ditugu, hurrengoak hain zuzen ere:

ANTZERKI MUNDUAN MURGILTZEN (2.fasea)

Gaurkoan, antzezlanen aurkezpenarekin jarraitu dugu. Oraingoan,  kubik eta  lorategian
antzerkien zatiak ikusi ditugu eta horien ezaugarri garrantzitsuenak aipatu ditugu.  Bi obra hauek Teatro Paraisok sortutakoak dira eta haurrei bideratutakoak dira. Ez dute ildo narratiborik jarraitzen eta antzezleak haurrek bezela jokatzen dute.

Antzezlan hauetatik ondorengo ideiak jaso ditugu:

ANTZERKI MUNDUAN MURGILTZEN (2.fasea)

Gaurkoan, antzezlanen aurkezpenarekin jarraitu dugu. Oraingoan,  kubik eta  lorategian antzerkien zatiak ikusi ditugu eta horien ezaugarri garrantzitsuenak aipatu ditugu.  Bi obra hauek Teatro Paraisok sortutakoak dira eta haurrei bideratutakoak dira. Ez dute ildo narratiborik jarraitzen eta antzezleak haurrek bezela jokatzen dute. Oraingo honetan, jarraian dauden ideiak hartu ditugu gure antzezlanerako:

• Kubik antzezlanetik: Proiektorea erabiliz, irudi ezberdinak proiektatzen dituzte figura geometriko ezberdinetan eta hauek txikiak eginez, handiak eginez edo lekuz mugituz jolas ezberdinak burutzen dituzte. Haurrak hauei begira egongo direla uste dugu, arreta galdu gabe. Modu honetako zerbait gure antzezlanean burutu beharko dugula uste dugu. Hau lortzeko, arte plastikoak irakasgaian proba ezberdinak burutuko ditugu.

• Lorategian antzezlanetik: Antzezlanaren momentu batean, protagonista pantaila zuriaren atzean jartzen da eta pilota moduko batekin jolasten da. Itzalekin nola jolasten ziren oso gogoko izan dugu eta gure antzezlanean ere, momenturen batean pertsonaietako bat pantaila atzean kokatu nahiko genuke eta honen itzalarekin jolastu.

Horretaz gain, bi bideo interesgarri ikusi ditugu. Lehenengoa, irakasle eskolan egindako Pilar Lopezen tailer batekoa zen eta bertan ezagutzen ez genuen adierazpen teknika berri bat ikusi dugu. Lopez Teatro Paraisoko zuzendaria da eta unibertsitateko ikasleei emandako eskola honen bitartez ondorengo helburuak landu nahi zituen: irudimena garatzea, elkarlana, sormena garatzea, momentuan zerbait sortzea eta lantzea... Jarduera honetan, ikasleak paretan marrazkiak egiten zituzten, proiektoreak bertan bideo bat proiektatzen zuen bitartean. Jarduera hau ikusi ondoren, esperimentazioa burutzea duen garrantziaz ohartu gara. Haur Hezkuntzako ikasleek esperimentazioaren bitartez ikasten dute eta esperimentazioa burutzeko zentzumenak erabiltzen dituzte. Hortaz, irakasleak garenean, ikasleei material ezberdinekin esperimentatzeko tarte bat uztea beharrezkoa ikusten dugu.

Bigarren bideoan, ordea,  Mark Cerfontaineren hitzaldi bat izan da. Honek garrantzitsua ikusten  du umeek irudi ezberdinak ikustea. Bestalde, antzerki bat ikusterako garaian eta hau ulertzeko, hauek istorio edo ipuin bat ez dutela behar aipatu du. Honek gure antzezlanaren inguruan pentsatzera eraman gaitu, agian antzerkiaren momenturen batean ildo narratiborik ez badugu jarraitzen....

ANTZERKI MUNDUAN MURGILTZEN

Oraingo honetan, taldekide bakoitzari antzerki bat ikustea  eta gidoiaren analisia egitea egokitu zitzaion. Gure taldean ondorengo antzerkiak ikusi genituen:

- ABRACCI

-The story of a child and a penguin

-Kubik

-...

Ondoren antzerki bera ikusi zuten gelakideekin elkartu ginen eta antzezlanaren ezaugarri esanguratsuenak zeintzuk diren adostu genituen, jarraian gela guztiaren aurrean azaltzeko.

Aurkezpen horietatik ideia ezberdinak hartu genituen gure antzezlanerako eta hauetako batzuk ondorengoak dira:

• A story of a child and a penguin antzezlanetik: Gehien gustatu zaiguna aterkiari ematen dizkioten erabilera anitzak dira. Aterkiaren bitartez elurra, izarrak, iparrorratza eta arrainak irudikatzen dituzten oso modu originalean. Aterkiaren puntetatik ari fin batuk dituzte jarrita eta hauen amaieran izar, arrain edo seinale ezberdinen irudiak. Gure antzezlanean honelako zerbait erabili nahiko genuke, baina oraindik ere hau nola txertatu pentsatzen jarraitzen dugu.

• Abracci antzezlanetik: Eszenografia modu oso sinplean zegoen apainduta, baina oso efektu polita egiten zuen. Bertikalean ipinitako banbuak zeuden jarrita eszenatoki osoan zehar eta istorio honetako pertsonaiak hauek erabiltzen zituzten istorioaren atal batzuetan. Material hau asko gustatzen zaigu, estetikoki gure antzezlanean ondo geratuko dela pentsatzen dugulako, alegia. Baina antzezlan honek estereotipo asko zituela esango genuke, esate baterako, emakumeak gona darama soinean eta gizonak galtzak, emakumea makilatu egiten da, gizonak A du izena eta emakumeak B, gizona ausarta da eta emakumea berriz lotsatia... Gure antzezlanean estereotipo hauek saihesten saiatuko gara.

• Kubik antzezlanetik: Elementu oso gutxi erabiltzen zituzten obran zehar, baina hauekin haurrentzako efektu oso aproposak egiten zituzten. Eszenatokia kolore zuriko eta forma geometriko ezberdineko blokeez zegoen apainduta. Hauen posizioa aldatuz, pertsonaiak tren bat, tunel bat, gaztelu bat, etxeak... irudikatzea lortzen zuten. Abstraktu ukitu hau oso gogoko izan dugu eta gure antzezlanean erabiltzea pentsatu dugu. Bestalde, proiektorearekin proiektatutako irudiak ere asko gustatu zaizkigu.

Aurkezpenak egiten genituen bitartean oso gai interesgarri bat atera zen, Peter Lóczyk maitasuna ulertzeko duen ikuspuntua. Atxikimendua nola lantzen duen umeekin... Horregatik interesgarria iruditzen zaigu hemen bere izena aipatzea.

Bestalde, portfolioarekin geneukan blokeoa desblokeatzeko asmoz, Alaitzen ikasleek egindako adibide batzuk ikusteko aukera izan genuen, gure lana argituz.

ANTZERKIEKIN HASIERAKO HARREMANA

 Antzezlanen munduan sartzeko lehenengo pausoa emateko Lorategian antzerkia ikusten hasi ginen, nahiz eta osoa ez ikusi. Teatro paraisok eginiko obra bat da eta bi pertsonai ditu protagonista moduan, Javi eta Rosi hain zuzen. Teatro Paraíso eta Belgikako Guimbarde Antzerkiaren arteko koprodukzioa daukagu hau, estreinatu zenetik 1.000 saio baino gehiago egin dituena Belgikan, Frantzian, Finlandian, Luxemburgon, Ingalaterran, Suizan, Austrian, Holandan, Portugalen, Errumanian, Indian, Singapuren, Brasilen, Uruguayen, Txilen, Argentinan, Mexikon eta Estatu Batuetan, besteak beste.

Antzezlan honek ondorengo istorioa kontatzen du... “Lorategian eseritako emakume bat ametsetan dabil. Gizon bat iritsi, eta irudien munduan bidaia egitera gonbidatu du. Elkarrekin, zuhaitzen arteko oihala topatu dute, eta oihal hori orri txuri bihurtuko da irudiak sortu eta eraldatzeko... jolastu eta zirrarak agertu beharrean”.

Teatro Paraiso webgunea

Hau ikusi ondoren, obrari analisia egiteko gidoi bat betetzen hasi ginen ikusitakoarekin, baina zalantza batzuk sortu zitzaizkigun galdera batzuekin. Esate baterako, alde pedagogikoaren galderan ez genekien ondo zer idatzi.

Gainera portfolioarekin nahiko blokeatuta sentitzen ginen eta ez genuen oso ondo ulertzen zer jarri behar genuen bertan, baina gure lehenengo hitzak idazten hasi ginen.

SORTZEN

Kaixo,

Kurtsoari hasiera emateko ikasgaiaren aurkezpena jaso genuen. Bertan, bi baliabide sortzeko gonbidapena luzaratu ziguten eta hau dugu horietako bat.

Konturatu ginen lehenengo gauza, taldeko emaila sortu behar genuela izan zen eta horri ekin genion bloga eta sitesa sortu ahal izateko.

• Blogspot
• Sites

Ondoren, bakoitzean zer idatzi pentsatzen egon ginen taldekide guztien artean. Alde batetik, sites-a azpi-atal ezberdinetan banatu genuen eta hauek unibertsitatean burutzen ari garen irakasgai ezberdinak izan ziren. Azpi-atal bakoitzean, gelan landutako edukiak, egindako jarduerak eta burututako lanak bilduko ditugu. Modu honetan, hauek baliagarriak izango zaizkigu bai kurtso amaieran burutu behar dugun antzezlanerako, baita gure etorkizunerako ere. Bestalde, blogspot-ean ikt-ko irakasgaiaren eguneroko moduko bat egiteko erabiliko dugu. Bertan, sarrera ezberdinak idazten joango gara astero eta hauetan gelan egindako gauzak kontatuko ditugu.

Hasierako sortze prozesua mantsoa izan zen eta horrekin ibili ginen aste horretan zehar, alde estetikoari garrantzi handia eman baitgenion.